''Upravo takav duh spajanja različitih kultura i ideja odražava suštinu i biće samog OEBS-a. Naš južnoslovenski nobelovac Ivo Andrić je jednom zapisao da su od svih stvari koje su ljudskih ruku djelo, upravo mostovi najvrijedniji i najznačajniji. Zato će i naši zajednički rezultati biti mjereni kroz našu sposobnost da gradimo mostove – mostove medjudržavne, parlaentarne i regionalne saradnje.''

Krivokapić je dodao da je zadatak parlamentaraca  prema građanima koji su ih delegirali da osiguraju snažan pristup u rješavanju transnacionalnih prijetnji:

'' A da pri tom ne ugrozimo dostignute temeljne standarde ljudskih prava i osnovnih sloboda. Ostvarivanje ovog fundamentalnog balansa u okolnostima sve veće globalne povezanosti i sve većih prijetnji našim zajedničkim vrijednostima je nimalo lak izazov. Razornost efekata savremenih bezbjednosnih prijetnji, koje sobom nose ogroman stepen društvene opasnosti, veoma lako mogu rezultirati relativizacijom koncepta ljudskih prava. Nikada ne smijemo izgubiti iz vida:  ljudska prava su jedno od najvećih civilizacijskih dostignuća naših demokratija i ona, u svom temeljnom iskazu, nikako ne smije biti kolateralna šteta, sa kakvim god izazovima se sučavala naša društva'', kazao je Krivokapić.

Jesenje zasijedanje najveće parlamentarne skupštine na svijetu okuplja predstavnike parlamenata 57 članica OEBS-a.

Jesenje zasijedanje PS OEBS  koje se održava do 15.oktobra biće posvećeno temama kao što su: uloga OEBS-a u promociji zaštite ljudskih prava , terorizam i nacionalne prijetnje, bezbjednosni efekti ekonomske krize, integracija različitih društava.