“Poštovana porodice Đorđević,

Mirkova djela i postupci će ostati vječni spomen na njega, jednog od onih koji su u najtežim trenucima posrnuća Jugoslavije, nacionalističke politike, digli svoj glas i pero protiv snaga koje su razarale sve ljudsko na našim prostorima.

Njegov odlazak je gubitak prije svega za vas, a i za sve njegove prijatelje i saborce, za glas razuma, solidarnosti i pravde na Balkanu.

Neka njegova borba i javni rad budu vječna vrijednost u svima nama i primjer kako se čuva lično i kolektivno dostojanstvo. Odlazak ljudi kao što je Mirko ostavlja nam u obavezu da svoj rad posvetimo očuvanju univerzalnih ljudskih vrijednosti i toplina, kako se nikada više ne bi ponovilo ono protiv čega smo se sa Mirkom zajedno borili.

U ime Skupštine Crne Gore i svoje lično, primite iskreno saučešće.

Ranko Krivokapić