“Poštovane građanke i građani Crne Gore,

Deveti maj je simbol dizanja bedema protiv fašizma i svih pogubnih politika temeljenih na nejednakosti i neravnopravnosti. Crna Gora, crnogorski sinovi i kćeri su ostavili svoj snažan rukopis u borbi protiv fašizma i njihovi položeni životi za slobodu i mir moraju biti vječni spomen – linija koja treba ostati trajna antifašistička vertikala moderne Crne Gore i Evrope.  

Antifašizam je u temeljima crnogorske državnosti i njenom građanskom duhu. Danas Crna Gora na tim temeljima ima svoj jasni put ka Evropskoj uniji, ka Evropi sa kojom dijelimo zajedničke vrijednosti - demokratiju, vladavinu prava i poštovanje slobode pojedinca.

Ekstremizam i terorizam danas ostaju ključni izazovi naših generacija za čija rješenja svi zajedno moramo pronaći odgovor kako bismo našoj đeci obezbijedili trajni mir i sigurnost.

Ovo je dan kada se trebamo priśetiti svi naših učesnika NOB-a i njihove žrtve u antifašističkoj borbi i reći im vječno hvala, te se obavezati da ćemo slijediti njihovu borbu za slobodno, mirno i sigurno društvo.

U ime Skupštine Crne Gore i svoje ime, čestitam vam Dan pobjede nad fašizmom i Dan Evrope.”

Ranko Krivokapić